رسائل مضحكة

lolla الثلاثاء أغسطس 04, 2009 10:45 pm

حب حبيتك … عشق عشقتك ... كل ما عندى اديتك … روح الله يخرب بيتك

احبك حب البطة للبطوط والفرخة للكتكوت والصعيدى للنبوت والجربان للبرغوت

ماشى حافى والرض بتلسعة يا رينى كنت شبشب كنت اقدر انفعة

حيوان حقير سافل قليل الادب اللى ما يحبك يا قمر

يا روشنى عبرنى وانعشنى دلعنى وهشتكنى كسرنى فرفشنى بس اوعى فى يوم تطنشنى

أتقل على حبيبك وأرمية فى بلاعة يرجع لك مستحمى وفى بقة نعناعة

فوق السطوح هز الهوا كمى كل العيال اتجوزوا وأنا لسه جنب أمى

يشوفك يقول انك فارس فى ساحته وماحدش يعرف انك حتى الشراب شحاحته

عشمنى بالمحبة وشعلقنى بالهوا حايلته حبة حبة زودها واتلوى

مهم انك حلو مش مهم انك شيك المهم انك مؤدب وده الى عجبنى فيك

الشاى قال للسكر يا ابيض يا تاعبنى رد عليه السكر وقالة يا أسمر يا مدوبنى

الرسالة دى مش حب فيك دى علشان تفكرك ان فيه حد بيعبرك

أشوف القمر يرتاح البال … اشوف النجم يطيب الحال … اشوف وجهك يجيلى أسهال

حبك بطحنى على الحشيش ومن غيرك مقدرش اعيش احنا جوز جزم وفرده واحدة متمشيش

قطعنى حتة حتة وارمينى لاى قطة انا كنت بحب واحد دلوقتى بحب ستة

حبيب قالى بأحبك قلتلة اتنيل … ده الحب فى القلب مش فى التليفون يا منيل

انا وانت شجرة توت … انا فرع دهب وانت فرع ياقوت … والى يفرق بينا يا رب يموت

اللى باحبهم اتنين الاول انت … اية بدور على اية ؟؟!! التانى برضة انت

الهس بس هس هوا لازم يحس … هوا عمال بيتخن وانا عمال بخس

مساء الخير والتجلى … حسب التوقيت المحلى

الرسالة دى ليك على الله يتمر فيك وتجيب الفلوس الى عليك يا معفن

ان كان حبيبك عسل … لازم تكون بلاص

يا دبحنى برمشك على سهوه … دوبلى صباعك فى القهوة

اجبلك هدية تخدها ببساطة … وفى عيد ميلادى تسوق العباطة

الاسد والسمك والعصفير بيندوك ويترجوك ترجع قفص القرود

اليوم احبك … بكرة اعشقك … بعدة فى العناية المركزة والسبب (أموت فيك )

كل يوم الساعة 4 الفجر غمض عنيك وقول احبك راح تسمع صدى يرد نام يا أهبل

صعيدى مات نزل 62 ملاك ، 2يحاسبوه و 60 يقنعوه انه مات

نفس اجيلك بس مكسل يا اغلى من حجر المعسل

يا رايح وزارة المالية … هات منها احلى هدية

memo الخميس أغسطس 06, 2009 5:20 pm

رسائل مضحكة

رسائل مضحكة

رد: رسائل مضحكة